Nemmt mich met
'Ne Haufe bunter Wage
Fuhr jestern durch unser Stroß
Op d'r Maat un mat do halt
Medden vör d'r Poß ich jing direk ens lore
Wat et do nit alles jov
Elefante, Eselche und dressierte Schof
E Zelt wood opjeschlage
Dat jing em Rubbedidup
E paar Mark fählten für en Kaat
D'r Opa lat se drop
Un als d'r Chef vum Janze
Sich zeich em schwatze Frack
Jo do hatt mich die Zirkusluff
Irjendwie jepack
Un ich sat nemmt mich met
Nur e janz klei Stöck
Ich kann Seilchespringe, Jummitwis
Flic Flac un Spajat
Nemmt mich met op die Reis
Denn ich wör et leevs
Statt iwich en de Schull ze jon
'Ne Zirkusakrobat
Kaum dat de Schull am Eng wor
Hinge mir an d'r Manech
Braten Foder für die Päd
Für d'r Bär e Stöckche Fleisch
Die Clowns un die Jongleure
Zeichten uns ihr beste Tricks
Doch kapeet hat keiner jet
Dät jing uns vill ze flöck
Un ich sat nemmt mich met
Nur e janz klei Stöck
Ich kann Seilchespringe, Jummitwis
Flic Flac un Spajat
Nemmt mich met op die Reis
Denn ich wör et leevs
Statt iwich en de Schull ze jon
'Ne Zirkusakrobat
Ich hatt am nächste Morje
Ming Spardos enjepack
Schlech mich heimlich us dem Huus
D'r Koffer huckepack
Doch wor ich vill ze spät dran
Keine Zirkus wick un breit
E paar Trönche kome mir
Ich dät mer selver leid
Nemmt mich met, nemmt mich met
Nur e janz klei Stöck
Ich kann Seilchespringe, Jummitwis
Flic Flac un Spajat
Nemmt mich met op die Reis
Denn ich wör et leevs
Statt iwich en de Schull ze jon
'Ne Zirkusakrobat
Nemmt mich met, nemmt mich met
Nur e janz klei Stöck
Ich kann Seilchespringe, Jummitwis
Flic Flac un Spajat
Nemmt mich met op die Reis
Denn ich wör et leevs
Statt iwich en de Schull ze jon
'Ne Zirkusakrobat