Bicycle Sonder 'n Slot
Karin, onthou jy ons kuiers met koeldrank
Alleen in die kaya van jeugtyd se groen
Onthou jy die dae van skoolbank en kersbrand
Die nagte met honde
En goed om te doen
Ek bring vir jou blomme
Ek gee jou genot
Ek leen jou my bicycle sonder 'n slot
Ek weet dit is laat
En jou ma-hulle slaap
Maar ek moes net vir jou sê
Ek het jou lief soos die Kaap
Ek het jou lief soos die Kaap
Saam het ons bulte geklim in die somer
En fietsgery al op die soom van 'n droom
Wat is jy as jy groot is, is die lewe net stroomop?
Al ons vrae het gewapper soos vlieërs aan 'n boom
Ek bring vir jou blomme
Ek gee jou genot
Ek leen jou my bicycle sonder 'n slot
Ek weet dit is laat
En jou ma-hulle slaap
Maar ek moes net vir jou sê
Ek het jou lief soos die Kaap
Ek het jou lief soos die Kaap
Karin, verstaan jy, dat jare soos wyn
Kan oud word in kanne vol vriendskap en son
Weet jy dit dat net kinders liewe Jesus kan liefhê?
Maar dat kinders die wêreld al meer gaan verstom
Ek bring vir jou blomme
Ek gee jou genot
Ek leen jou my bicycle sonder 'n slot
Ek weet dit is laat
En jou ma-hulle slaap
Maar ek moes net vir jou sê
Ek het jou lief soos die Kaap
Ek het jou lief soos die Kaap