अनामिकास अनामवीरा
KUSUMAGRAJ, VASANT PRABHU
अनाम वीरा जिथे जाहला तुझा जीवनान्त
स्तंभ तिथे ना कुणी बांधला पेटली ना वात
अनाम वीरा
धगधगता समराच्या ज्वाला या देशाकाणी
जळावयास्तव संसारातुन उठोनिया जाशी
अनाम वीरा
मूकपणाने तमी लोपती संध्येच्यारेषा
मरणामध्ये विलीन होसी ना भय ना आशा
अनाम वीरा
जनभक्तीचे तुझ्यावरी नच उधाणले भाव
रियासतीवर नसे नोंदले कुणी तुझे नाव
अनाम वीरा
जरी न गातील भाट डफावर तुझे यशोगान
सफल जाहले तुझेच हे रे तुझे बलिदान
अनाम वीरा
काळोखातुनि विजयाचा हे पहाटचा तारा
प्रणाम माझा पहिला तुजला मृत्युंजय वीरा
अनाम वीरा