Vithala Samacharan Tujhe Dharite
P. SAVALARAM, VASANT PRABHU
विठ्ठला समचरण तुझे धरिते
विठ्ठला समचरण तुझे धरिते
रूप सांवळे दिव्य आगळे अंतर्यामी भरते
विठ्ठला समचरण तुझे धरिते
नेत्रकमल तव नित् फुललेले
प्रेममरंदे किती भरलेले
नेत्रकमल तव नित् फुललेले
प्रेममरंदे किती भरलेले
तव गुण-गुंजी घालीत रुंजी
मानस-भ्रमरी फिरते
विठ्ठला समचरण तुझे धरिते
अरुण-चंद्र हे जिथे उगवती
प्रसन्न तव त्या अधरावरती
अरुण-चंद्र हे जिथे उगवती
प्रसन्न तव त्या अधरावरती
होऊन राधा माझी प्रीति
अमृतमंथन करिते
विठ्ठला समचरण तुझे धरिते
जनी लाडकी नामयाची
गुंफुन माला प्राणफुलांची
जनी लाडकी नामयाची
गुंफुन माला प्राणफुलांची
अर्पुन कंठी मुक्तीसाठी
अविरत दासी झुरते
विठ्ठला समचरण तुझे धरिते
विठ्ठला