Kapayapaan Para Sa Mga Bata

Sana ang bukas ay mapayapa
Ligtas ang paligid para sa mga bata
Walang away at ang puso nakakapaglaro
Umiiyak tumatawa't masaya

Sana ang daigdig ay mapayapa
Walang bansa lahing nagdidigmaan
Ng walang mga batang nauulila't
Nawawalay sa ama't ina

Kapayapaan ay sama sama nating abutin (kapayapaan)
Kapayapaan sana'y bigyan na ng pagkakataon (kapayapaan)
Kapayapaan sana bukas may ganap na kapayapaan (kapayapaan yeah)

Kapayapaan kaligtasan kinabukasan

Sana ang bukas ay mapayapa
Walang palaboy laboy na mga bata
Marunong magsulat marunong magbasa
Kinabukasan ay may pag asa

Sana ang daigdig ay mapayapa
Buhay ang mga puno't mga ibong malaya
Mga ilog karagatan at kabundukan
Kaaya ayang kapaligiran

Kapayapaan ay sama sama nating abutin
Kapayapaan sana'y bigyan na ng pagkakataon
Kapayapaan ay sama sama nating abutin
Kapayapaan kapayapaan na ngayon