Pauwi Na

Ako'y pauwi na sa ating bayan
Lupang sinisinta bayang sinilangan
Ako'y nananabik na ika'y masilayan

Pagkat malaon din akong nawalay
Sa ating inang bayan

Aking dala-dala'y
Sang maleta ng karanasan
Bitbit ko sa 'king balikat
Ang binuno sa ibang bayan
Hawak ko sa aking kamay
Ang pag-asang inaasam
Sana'y matupad na rin ang pangarap
Na magandang kinabukasan

Bayan ko ako'y pauwi na
Ako'y sabik na ika'y makasama
Bayan ko ako ay nariyan na
Ating pagsaluhan
Ang pag-asang dala-dala

Ako'y pauwi na sa aming tahanan
Sa mahal kong asawa mga anak at kaibigan
Ako'y nananabik na kayo ay mahagkan
Pagkat tunay ang pangungulila
Dito sa ibang bayan

Ang aking dala-dala'y
Sang maleta ng pagmamahal
Bitbit ko sa 'king balikat
Ang pangakong matibay
Hawak ko sa 'king kamay
Ang pag-asang inaasam
Sana'y matupad na rin ang pangarap
Na magandang kinabukasan

Mahal ko ako'y pauwi na
Ako'y sabik na kayo ay makasama
Mahal ko ako ay nariyan na
Ating pagsaluhan ang pag-asang dala-dala

Bayan ko ako'y pauwi na
Ako'y sabik na ika'y makasama
Bayan ko ako ay nariyan na
Ating pagsaluhan
Ang pag-asang dala-dala
Ating pagsaluhan
Ang pag-asang dala-dala