Lismete

We si flüchtet in gedanke
När geit sie mit em bäse
Sie lismet sich es mannli
Wo mir gliicht
Flügt unsichtbar ums tannli
U scho isch si furt

Sie flüügt zum häxetanz id berge
Dert küsst sie siebe zwerge
Mit ihrne wulleschtrümpf
Die hei rümpf u löcher
Schwäbt über gärte über dächer
Bringt siebe zipfumütze hei

Ynestäche umeschlah
Dürezieh u abelah
Zwöi linggs zwöi rächts
Was dänksch itz
Du seisch so nüt
Säg liebsch mi no
Sie seit ja, ja es bitzli scho no
Lismet mir zwei hasenohren a

We sie lismet cha si häxe
Mit ihrne spitze stachle
Flügt über s ganze ättiland
Mit syne chräche bis zum napf
Weme nid wett so wie me sött
När gits e chlapf

Mit bösem blick strickt sie am stille glück
U lachet
Wer cha scho wüsse was sie dänke
We sie eum wullesocke schänke
I dene chalte stille nächt

U när flügt d lismete dür d luft
U nachhär gits eis mit em bäse
Nume nid störe we si lisme
Süsch gits ke zoubertrunk
Kes gar nüt
Nid emal guet nacht

We si flüchtet in gedanke
När geit sie mitem bäse uf mi los
Sie lismet sich es mannli
Wo mir gliicht
Flügt unsichtbar ums tannli
U scho isch si furt