Western

[1. Strophe]
Ig u du
Mir hey ds glyche tattoo
Aber eyne isch zviel i däm spiel
Ig oder du
Wed schnäller ziehsch nimmsch d liebi
Dr ruehm u ds ganze gold
Aber wenn mi dr bode sött frässe
Söll niemer frage wasi wott
I wott ke schtey ufem hogger
Numenes chrüz us holz
U dr sand rünnt mer durch d finger
Gspürsh dr huuch vom tod?
Django!

[2. Strophe]
Mir sy viel z'lang zäme gritte
Dür jede chuepflütter
Düre schnee u düre schtoub
U jetz steysh mir idr sunne
Dr weschten isch wild u dr oschten isch rot
I weyss du ziehsh schnäller
Aber i ziele genauer
U zwöi schiessyse bysse löcher
Ids erschte morgegraue
U itz flüge d geier uuf
U du bisch uf diim letschte ritt
Sorry dini zyt isch ume
U der wind singt s lied vor prärie

[3.Strophe]
Dr western isch verbii
Es het grägnet
U d liebi woni dr colt müesst für se zieh
Isch mir bis jetzt no nid begägnet
Dr mustang isch nume es velo
U de colt isch e banane
U dr bahnhofsplatz isch nid d wüeschti vo sonora
U d aare isch nid dr rio grande
U morn muessi is schlachthuus go schaffe
Sie spile wiener bluet
Es isch ja nume e film gsii u dr wind singt s lied vom tod

[Refrain 2x]
I bi gäng e cowboy gsii
U bi gäng e cowboy blibe
U i ha mys läbe lang
Nume rindviecher vor mi häretribe