Dans In Die Maanlig
Hande streel teen ’n bloeiselwang, oë stip in sy kyk gevang
Ore swem in sy diep bruin stem, rus haar kop op sy ferm ken
Skryf ’n brief van 'n verre land, strooi daarin van die vreemde sand
Onthou dan gras bly dieselfde groen met dieselfde son wat jou warm soen
En hul dans in die maanlig, saamgevleg in die purper lug
Kyk hul dans in die maanlig, dolgelukkig
Jaar na jaar en maand na maand vaag die beeld van daardie aand
Soek ’n ster in ’n nag so swart, stadig klop haar gebroke hart
Skryf ’n brief van 'n verre land, strooi daarin van die vreemde sand
Onthou dan gras bly dieselfde groen met dieselfde son wat jou warm soen
En hul dans in die maanlig, saamgevleg in die purper lug
Kyk hul dans in die maanlig, dolgelukkig
Hande gevou op ’n moeselien lap, oë toe asof sy net slaap
Ore stil in ’n verre land, rus haar siel in die vreemde sand
Skryf ’n brief van 'n verre land, strooi daarin van die vreemde sand
Onthou dan gras bly dieselfde groen met dieselfde son wat jou warm soen
En hul dans in die maanlig, saamgevleg in die purper lug
Kyk hul dans in die maanlig, dolgelukkig
En hul dans