Waterblommetjies

Waterblommetjies in die Boland
Waterblommetjies in die Kaap
Maak die bredie net soos in die Wynland
En sê jy's baie lief vir my voor jy gaan slaap

Daardie wind waai weer by my voordeur in
Hy maak my hart weer lekker sing
Dis gaaf om die Kaap weer dag te sê

Ek vat jou saam na die Koringland
Wie ry saam as my hart so brand?
Dis lekker om die Boland lief te hê

Van Hunks het weer sy pyp gestop
Tafelberg se hoed is op
En die bergies begin al huis se kant toe staan

Groenpunttoring knip sy oog
Die Suid-oos maak so 'n wye boog
En die Waalpad help jou as jy huis toe gaan

O, die liggie hier is vry
Waar my hart heeltyd wil bly
En ek will my lanks ou Mies Victoria neer gaan vlei

Laat ons deur die Tuine loop
By die Parade iets gaan koop
As die wind koud waai
Laat ek gou eers jou jas vasknoop

Want daar is waterblommetjies in die Boland
Waterblommetjies in die Kaap
Maak die bredie net soos in die Wynland
En sê jy's baie lief vir my voor jy gaan slaap

O Kaap, O Kaap, mooiste Kaap
Jy maak my hart weer baie seer
Jou ghantang kom mos altyd weer en weer

Die Mayflower het uitgevaar
Gaan snoek haal daar by Houtbaai waar
Karbonkelberg die stormsee gewaar

Drie skepsels het by Dassiepunt
Na die sterre gekyk
En teen die wind in voet geslaan
En die stralekrans aangegee

Hul het teruggekeer na Tafelbaai
En op Duiwelspiek vir die engel gewaai
En die engel het 'n traan uit sy oë gevee

Waterblommetjies in die Boland
Waterblommetjies in die Kaap
Maak die bredie net soos in die Wynland
En sê jy is baie lief vir my voor jy gaan slaap
Sê jy is baie lief vir my voor jy gaan slaap