Naarisch

Jo sag amol
San denn alle naarisch - word’n?
Hamma alle den Verstand - verlor’n?
Wenn koana mehr an Genierer - hat
Dann is’ langsam alles - z’spot
Überall is’ der Teufel - los
Aber des juckt uns a net - gross
Hauptsach’ is wenn der Rubel - rollt
Wenn di a der Teufel holt.

Umandum san’s am schiass’n
Und umandum streitn’s bis auf’s Bluat
Und mit dem Hirn a biss’l denk’n
War jetzt gfrogt - des tat uns guat.
Überall sans am liag’n dass si die Balk’n biag’n
Und die Wahrheit wird verdraht
Und jeder wass wenn ma no lang so weiter tuan
Dann is’ die Wies’n g’maht.

Umandum san’s am Rennen
Und umandum a Riesen G’schrei
Immer schneller immer weiter immer höher immer mehr
Was is’n des für a Plagerei.
Jo sag amol Is des net zum deppert werd’n
Tag und Nacht könnt ma schrei’n und zuwi rearn
Jo macht denn des überhaupt no an Sinn
Wo führt’n des nur hin?

Mach ma liaba a Musi
Tuan ma liaba tanz’n
Tuan ma liaba lach’n
Und schene Sachen mach’n

Tuan ma liaba singen
A guate Zeit verbringen
Tuan ma liaba lach’n
Und schene Sachen mach’n?

San denn alle naarisch - word’n?
Hamma alle den Verstand - verlor’n?
Wenn koana mehr an Genierer - hat
Dann is’ langsam alles - z’spot
Überall is’ der Teufel - los
Aber des juckt uns a net - gross
Hauptsach’ is wenn der Rubel - rollt
Wenn di a der Teufel holt
Wenn di a der Teufel holt

VoXXclub

Naarisch

Chansons les plus populaires [artist_preposition] VoXXclub

Autres artistes de Rock'n'roll