As Die Sirkus Kom

Maandag, Dinsdag, Woensdag ook loop die skoolwerk nes 'n spook
Oral moet ek net my beste lewer
Optel aftrek, maal en deel, pleks van lag en buite speel
Dis genoeg om van te loop en bewe

Maar eenkeer elke jaar skuif ek die skool werk eers opsy
Want dan gebeur die mooiste ding vir my

Want as die sirkus kom
Is daar 'n vonkel in my bloed, dis 'n mallemeule, huppel, rondomtalie
Want as die sirkus kom
Aanskou die dorp 'n bonte stoet en jy mis iets as jy dit nie betyds haal nie

'n Leeu loer deur die tralies, 'n aap wat trap-fiets ry
En agter by die perde sal jy my altyd kry
Want as die sirkus kom is almal daar
En selfs meneer vergeet van huiswerk gee voorwaar

Groot trom-tromme speel 'n mars, blink poets stewels kreun en knars
Vrolikheid op note deur die strate
Apies spring van wa tot wa, groot en klein loop agterna
Perde stap kiets regop soos soldate

En iewers gaan 'n tent verreis met seile spikkel bont
Ek moet daar wees al sit ek op die grond

Maar as die sirkus ry
Verdwyn die vonkel uit my bloed, ek het moeite met my hartklop en my trane
Want as die sirkus ry
Sien ek die lange bonte stoet, weet ek sirkus pret is weg vir baie maande

Die meisies op die toue, die waens op 'n ry
Aanstaande jaar sal jy my verseker weer daar kry
Want as die sirkus kom, is almal daar
Meneer kan weer vergeet van huiswerk gee voorwaar